Northern Assembly + Blátt Gras

Hóskvøldið 9. mai verður forvitnislig dupultkonsert við Northern Assembly og Blátt Gras í Løkshøll.

Northern Assembly
Hvat er ein norðurlendskur bólkur? Eru tað norðurlendsku staðarnøvnini í føðibrøvunum? Ella er tað kanska heldur eitt hugalag, sum best kann lýsast við lyrikki og sangi? Hendan spurning roynir fólkakvartettin Northern Assembly at svara við hugvekjandi søgum um rótloysi og lívsjáttan tónum, har ‘rootless folk’ helst er besti mátin at lýsa huglagið. Northern Assembly heftir seg ikki við nakran ávísan tónleikastíl, men roynir í staðin seta ljóð á ein longsul eftir at finna eitt stað at kalla heim. Hóast bústaðurin í løtuni eitur ‘Danmark’, hava báðir sangararnir og søgufrásigararnir Dina Dánialsdóttir (úr Sørvági) og Andreas Bevan ferðast víða um og búð tey flestu barnaárini í støðum sum Eysturaftrika, Onglandi, Norra og Føroyum. Øll hendan ferðingin hevur havt við sær eina kenslu av ikki at hoyra heima nakrastaðni, og tey hava lært, at hendan kenslan kann bara doyvast gjøgnum tónleikin.Fyrsta útgávan, ‘Death, won’t you marry me’ kom út fyrst í 2018, og hevur verið nógv spæld í útvarpinum bæði í Danmark og Føroyum. Tittullagið fekk framúr ummæli í Kvørninini hjá Kringvarpinum, og ein long grein varð skrivað í Dimmalætting um hendan sjáldsama tónleikabólk. Sjónbandalagið til sangin, við Hjørleif, abba Dinu, í høvuðsleiklutinum, er vorðið eitt hitt á youtube.Nú er túrurin komin til Føroyar, sum er heimið hjá hálvføroysku forsangarinnuni, Dinu Dánialsdóttir. Í Føroyum eru tær fáu røturnar sum eru at finna í Northern Assembly rótloysinum. Tað hoyrist eisini væl í tónleikinum, og ikki minst í einglaligu røddini hjá Dinu. Eitt upplivilsi fyri tónleikaelskarar og tey sum vilja fáa ein nýggjan vinkul upp á sín norðurlendska samleika.

“Bahib’m’bau”

Blátt Gras hevur verið nógv at hoyrt í føroysku útvarpsrásunum við sínum sera íoyrafallandi tónleiki. Fleiri av sangunum eru longu vornir fólkaogn, og flestu munnu kunna tralla til fleiri av løgunum hjá bólkinum, eitt nú háaktuella lagnum Bahib’m’bau (Kom við).

Í 2015 vann bólkurin eina FMA virðisløn við lagnum “There is room at the table”, ið varð valdur ársins sangur innan fólka-, country- og blues tónleik.

Navnið á bólkinum stavar frá tónleikastílinum “bluegrass”, ið er ein tónleikalig blanding av m.ø. gospel, jazz og Appalachia, ið aftur er ein blanding av írskum, skotskum og enskum fólkatónleiki. Stílurin er tí lættur akkustiskur og harmonerandi tónleikur, har teksturin mangan hevur ein undirliggjandi boðskap.

Teir, ið manna Blátt Gras, eru: Ragnar Joensen, Johan Mikkelsen, Terje Johannesen, Jarnhold Nattestad og Richard Joensen.