Øðrvísi stuttleika kapping !

Tú, ja tú!

Kom við til ársins stuttleika renning fyri lið í Klaksvík.

Teinurin er uml. 3 kilometrar á gøtunum í vøkru náttúruni úti í Grøv.

Vit byrja við gøtuna inni í Gerðum og renna út í Grøv og so niðan í Viðarlundina, 
har vit renna tríggjar umgangir. Tveir rennarar eru á hvørjum liði, og tann sum fyrst kemur til portrið í Viðarlundini steðgar og letur makkaran taka fyrsta umgangin og síðani verður býtt um.

Aftaná fáa vit frukt og vatn, og sport 24 letur vinningar til nummar eitt, tvey og trý.

Skiftingarrúm og brúsa eru í Badmintonhøllini.

Vit síggjast tann 25. novembur klokkan 11.

Bragdið

Øll eru spent! Hósdagin 21.december letur Sandoyartunnilin upp og vit sleppa, bara hesa einu ferðina, at renna og ganga allan vegin frá tunnilsmunnanum við Gomlurætt, heilt til hin endan av tunlinum, sum kemur út í Traðardali millum Skopun og Sand. 

Bragdið og B71 eru saman um hesa sermerktu renning og vit bjóða tykkum við. Aftaná renningina eru øll vælkomin í ítróttarhøllina til ein drekkamunn. Almenna hátíðarhaldið er eitt sindur innan fyri tunnilin Sandoyarmegin og tað byrjar kl. 14.00. Neyvan náa øll á mál til tíðina og áðrenn tunnilin letur upp fyri almennari ferðslu, koyra bussar eftir teimum, sum møguliga ikki eru komin til endan av tunlinum. Hetta er fyri at tað skal verða so trygt, sum gjørligt, bæði hjá renni- og gongufólkunum og bilunum. 

Fram til 6.december ber til at keypa eina blusu til minnis um dagin, og hon kostar 100 kr. Sjálvt tiltakið kostar 50,- kr fyri vaksin, eldri enn 14 ár, og 20,- kr fyri børn yngri enn 14 ár. 

Bussar koyra av Sandi aftur til Gomlurætt, tá tiltakið er liðugt, tí tá ber ikki til at ganga ella renna.

Havnadalur

Bragdið

Steðgið á eina løtu og komið við leygardagin 9.december. Gloymið jólastákanina og jólagávur, og stressið av eina løtu, tí vit skipa fyri okkara fyrstu vetrarkapping í vetur, Betri VK3. Og aftur hesa ferð renna vit í Kollafirði.

�?ll eru vælkomin við, tí umframt teinin á 10 km fyri vaksin og 1 km fyri børnini, sum telja við í Raska VK3, bjóða vit eisini heilsurenning á 5 km, har øll kunnu renna ella ganga við. Tit, sum vilja verða við til heilsurenningina, kunnu melda til á staðnum. Kostnaðurin er 60 kr fyri vaksin og 30 kr fyri børn. Heilsurennarar verða ikki skrásettir. Vit hava valt at børnini renna 1 km og vóna at undirtøkan verður góð. �?ll børn kunnu renna við, tó telja tey yngru børnini ikki við í vetrarkappingini. Heiðursmerki verða latin til trý tey fyrstu, sum koma á mál. 

Byrja verður kl. 11.00 frá Kollafjarðar Skúla og øll renna sama veg, eftir bygdavegnum í Líðini, oman á kajuna og niðan á vegin aftur við Atlanticpane. 10 km teinurin er út á Sperm á Signabø og aftur. Børnini renna inn Á Rætt, 500 m, venda, og renna aftur á mál. Tey, sum eru við í heilsurenningini, renna ella ganga inn til Atlanticpane og venda aftur til startin.

Tað verður kappast í hesum bólkum:
-Kvinnur / menn opin bólkur (f. -2007)
-Kvinnur / Menn Veteranar (f. 1969-1978)
-Kvinnur/Menn Superveteranar (f. 1959-1968)
-Kvinnur/Menn Ultraveteranar (f. 1958 ella fyrr)
-Kvinnuunglingar / Mansunglingar (f. 2003-2007)
-Gentur / Dreingir (f. 2008-2012)

-Gentur / Dreingir (f. 2009-2020) - (telja ikki við í samlaðu vetrarkappingini).

Vit bjóða ein drekkamunn aftaná renningina. Møguleiki er at skifta í skúlanum. Heiðursmerkjahandanin verður við startin og bert tey, sum eru við í Raska VK3 fáa heiðursmerki.

Tað loysir seg at melda til áðrenn 8.desember kl. 22, tí tá kostar tað bert 60 kr fyri vaksin og 30 kr fyri børn. Um meldað verður til á staðnum til VK3 leygardagin millum 10 og 10.30, kostar tað 100 kr fyri vaksin og 50 kr fyri børn.

Vit gleða okkum at síggja tykkum øll.

�??