Skechers Performance Nýggjárshálvmaraton 2026

***Útsett frá 3. januar til 7. februar 2026***

Siðbundna Skechers Performance Nýggjárshálvmaraton 2026 verður runnið leygardagin 7. februar 2026.

Tað eru Roysnið og Skósølan við Gøtugjógv, sum skipa fyri hesi kappingini, sum vanliga er fyrsta rennikappingin í nýggja árinum.

Kappingin er fyrsta umfar av serligu avbjóðingini “MBM 6 hálvmarathon í 2026”.

Í 2026 verður runnið sama veg sum seinastu árini, t.v.s. frá brandstøðini á Skála kring Skálafjørðin og út á Toftir.

Byrjað verður við brandstøðina á Skála, norðast í bygdini, kl. 11. Málið er niðanfyri ráðhúsið á Toftum.

Tey, ið eru yvir 16 ár (fødd í 2009 ella fyrr), eru vælkomin at luttaka. Kappast verður í hesum bólkum:

-Menn & Kvinnur (1981-2009)

-Menn & kvinnur veteranar (1971-1980)

-Menn & kvinnur superveteranar (1961-1970)

-Menn & kvinnur ultraveteranar (1951-1960)

Tilmelding fer fram á heimasíðuni hjá Frælsum Ítrótti Føroya, www.fif.fo, ella við startin undan kappingini. Luttøkugjaldið er 150 kr.

Startnumrini verða heintaði á brandstøðini á Skála.

Til ber at skifta á brandstøðini á Skála undan startinum, og skift verður í skúlanum á Toftum, tá komið er á mál. Har verður eisini drekkamunnur og heiðursmerkjahandan.

Tá komið er á mál verður drekkamunnur og heiðursmerkjahandan.

Veðrið hava vit onga ávirkan á, og tí kunnu broytingar koma í skránna vegna veður/hálku.