Møsn

Í samband við mentanarvikuna í Runavíkar kommunu verður skipað fyri tiltakinum "Møsn" í Søldarfirði.

Gakk millum stovur, látur og løtur, tá fýra privat heim í Søldarfirði lata dyrnar upp fyri einum heilt serligum stand-up kvøldi.

Byrjað verður í einum heimi og síðani verður ferðast ímillum tey fýra húsini - i hvørjum heimi fer ein nýggjur skemtari at seta gongd í láturvøddarnar. Her verður hugni, stuttleiki og nokk av skemti!

Kvøldið byrjar á Gerðisvegi 26 í Søldarfirði. Kaffi, køka og okkurt lítið ábit verður at fáa.

Kom við til eitt kvøld, har láturin fer at hoyrast um alla bygdina.

Tað er avmarkað pláss.